NJU JORK, 14 dhjetor /ATSH-DPA/ – Pfizer raportoi rezultatet përfundimtare nga një analizë e 2 246 personave të rritur, të regjistruar në fazën 2/3 të provës EPIC-HR, të kandidatit të saj antiviral oral PAXLOVID për COVID-19.
Të dhënat treguan se PAXLOVID uli ndjeshëm rrezikun e shtrimit në spital ose vdekjes për çfarëdo shkaku me 89 për qind, krahasuar me placebo te pacientët e rritur jo të shtruar në spital, me rrezik të lartë me COVID-19 të trajtuar brenda tre ditëve nga fillimi i simptomave.
Gjithashtu, PAXLOVID uli rrezikun e shtrimit në spital ose vdekjes për çfarëdo shkaku me 88 për qind në krahasim me placebo në pacientët e trajtuar brenda pesë ditëve nga fillimi i simptomave.
Pfizer pret që të dhënat e plota të studimit të publikohen më vonë gjatë muajit./ a.jor.
