COVID-19 – Bum pranimesh në terapitë intensive austriake

VJENË, 25 nëntor /ATSH-DPA/ – Në Austri është kaluar pragu prej 600 pacientësh në kujdesin intensiv gjatë 24 orëve të fundit, thënë ndryshe 619 persona.

Ky është numri më i lartë për vitin 2021.

Rekordi i vjetër ishte ai i 12 prillit me 615 pacientë në kujdes intensiv.

Shifra më e lartë që nga fillimi i pandemisë u regjistrua saktësisht një vit më parë, më 25 nëntor 2020, me 709 shtretër të zënë.

Me 600 shtrime në spital u kalua i ashtuquajturi ”pragu 5”, që parashikon një bllokim të përgjithshëm, i cili u shty disa ditë./  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.