MILANO, 21 nëntor /ATSH-ANSA/ – Me punën në distancë, që duket se nuk po i lëshon plotësisht rrugë kthimit në zyrë, Google ka vendosur të zgjerojë platformën e saj profesionale të videothirrjeve, Meet.
Aplikacioni, i disponueshëm si për telefonat inteligjentë, ashtu edhe për tabletët dhe kompjuterët, tani lejon që maksimumi 500 pjesëmarrës të akomodohen në të njëjtën dhomë, duke dyfishuar kufirin e mëparshëm prej 250.
Lajmi nuk është për të gjithë abonentët, por ka të bëjë vetëm me abonentët në nivelet Business Plus, Enterprise Standard, Enterprise Plus dhe Education Plus.
“Shpresojmë që rritja e pjesëmarrjes maksimale të takimit do ta bëjë më të lehtë lidhjen dhe bashkëpunimin me kolegët, klientët dhe konsumatorët”, shpjegoi Google në blogun e tij.
Përveç kësaj, ekziston mundësia e transmetimit të drejtpërdrejtë për maksimumi 100 000 spektatorë, të lidhur ekskluzivisht me transmetimin e videos./ /ervo/
