TIRANË 23 tetor /ATSH-I.Vata/- Ministrja për Evropën dhe Punët e Jashtme, Olta Xhaçka ka zhvilluar sot një takim me deputetin e Bundestagut gjerman, Nils Schmid.
Në fokus të takimit ishte mbështetja e Gjermanisë për integrimin e Shqipërisë në Bashkimin Europian.
Gjatë takimit me deputetin e Bundestagut gjerman, ministrja Xhaçka mori konfirmimin e mbështetjes për integrimin e Shqipërisë në BE.
“Diskutim mjaft i mirë me deputetin e Bundestagut gjerman Nils Schmid, mbi zhvillimet në Shqipëri dhe rajon, si dhe konfirmimin e mbështetjes për hapjen e bisedimeve të anëtarësimit në BE”, thekson Xhaçka.
