TIRANË, 18 tetor/ATSH/ Operatori i Sistemit të Shpërndarjes, në bashkëpunim me Policinë e Shtetit, ka zbuluar dhe proceduar mbi 50 raste të vjedhjes së energjisë elektrike.
Sipas Ministrisë së Infrastrukturës dhe Energjisë mes këtyre rasteve janë me dhjetëra biznese, ndërsa forma më e përdorur është furnizimi me “linjë të dytë”.
“Vjedhja e energjisë elektrike është krim dhe konsiderohet në Kod ‘vepër penale'”, thuhet në njoftimin e MIE-s, ndërkohë që u bëhet thirrje qytetarëve të denoncojnë vjedhjet.
Në gjithë vendin, po vijojnë inspektimet në sistemin e matjes tek abonentët, për të evidentuar rastet e vjedhjes së energjisë.
/m.m/j.p/r.e/
