LONDËR, 3 tetor /ATSH-ANSA/ – Nga sot, të miturit nën 18 vjeç në Angli nuk do të kenë më mundësi t’u nënshtrohen trajtimeve me botox ose mbushës për arsye estetike, sipas BBC.
Ligji i ri synon të kufizojë industrinë e bukurisë, që ka shumë pak rregulla në Angli.
Vetëm vitin e kaluar, u kryen 41 000 operacione botox tek adoleshentët.
Operacionet kryhen pa ndonjë trajnim specifik profesional dhe shpesh përfundojnë duke shkaktuar dëme pak a shumë serioze te pacientët.
Nxitësit e kësaj mase, gjithashtu, kanë kërkuar nga Uellsi, Skocia dhe Irlanda e Veriut të zbatojnë masa të ngjashme, në mënyrë që të shmangen “udhëtimet e bukurisë” nga Anglia për të kryer këto trajtime të ndaluara.
