TIRANË, 27 shtator/ATSH/ Kryetari i grupit parlamentar të Partisë Socialiste, Taulant Balla ka uruar kandidatin e Partisë Socialdemokrate gjermane, Olaf Scholz për rezultatin e arritur në zgjedhjet federale.
Përmes një reagimi Balla deklaron se, kandidati i SPD për kancelar Olaf Scholz dhe programi elektoral “Prej respektit për të ardhmen tuaj” morën besimin si zgjedhja e parë e votuesve gjermanë.
“Urime Olaf Scholz dhe Partisë Socialdemokrate gjermane për rezultatin në zgjedhjet e sotme federale. Kandidati i SPD për kancelar Olaf Scholz dhe programi elektoral “Prej respektit për të ardhmen tuaj” morën besimin si zgjedhja e parë e votuesve gjermanë”, thekson Balla.
Taulant Balla mban edhe postin e kryetarit të Grupit të Miqësisë, Shqipëri-Gjermani.
/r.e/
