FDA miraton dozën e tretë Pfizer për mbi 65-vjeçarët

UASHINGTON, 23 shtator /ATSH-DPA/ – Administrata Amerikane e Ushqimit dhe Barnave ka miratuar vaksinimet nxitëse të koronavirusit me BioNTech/Pfizer për të moshuarit mbi 65 vjeç dhe grupet në rrezik.

FDA ndoqi një rekomandim nga një panel ekspertësh.

Masa do të thotë që një dozë tjetër e vetme e vaksinës të miratohet në SHBA të paktën gjashtë muaj pas dy dozave të para për njerëzit mbi moshën 65 vjeç dhe të rinjtë që konsiderohen të jenë në rrezik të lartë për shkak të shëndetit ose profesioneve të tyre.

Komisionerja në detyrë e FDA, Janet Woodcock theksoi se kjo gjë do të lejohet edhe për grupet përfshirë punonjësit e shëndetit, mësuesit, punëtorët e supermarketeve, të burgosurit si dhe të pastrehët.

“Ne do të vazhdojmë të vlerësojmë shkencën në zhvillim të shpejtë dhe ta mbajmë publikun të informuar”, theksoi ajo.

Paneli i ekspertëve të FDA deklaroi se të dhënat nuk justifikojnë futjen e dozave përforcuese për popullatën e përgjithshme mbi moshën 16 vjeç./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.