ROMË, 14 shtator /ATSH-ANSA/ – Këngëtarja Britney Spears ka njoftuar në mediet sociale fejesën zyrtare me trajnerin e saj personal, Sam Asghari, duke mbledhur mbi një milion e gjysmë shikime në vetëm pak orë.
Princesha 39-vjeçare e pop-it postoi një video të shkurtër në Instagram duke treguar unazën prej diamanti dhe duke komentuar: “Nuk mund ta besoj!”.
Nga ana e tij, Sam Asghari, 27 vjeç, postoi një fotografi në profilin e tij ndërsa puth Spears që tregon gishtin me unazë.
Të dy u takuan për herë të parë në vitin 2016, kur performuan së bashku në videoklipin e hitit të saj “Slumber Party”.
Ylli i pop-it ka dy fëmijë nga një martesë e mëparshme me reperin Kevin Federline.
Spears pati edhe një martesë të shkurtër me mikun e fëmijërisë, Jason Alexander, që u anulua pas vetëm 55 orësh./ /ervo/
