TIRANË, 3 shtator/ATSH/ Inspektorati Shtetëror i Mbikëqyrjes së Tregut mbetet i angazhuar për garantimin e sigurisë së produkteve për konsumatorët dhe mbrojtjen e pronësisë intelektuale.
ISHMT ka realizuar përgjatë periudhës 23 gusht-3 shtator, 22 inspektime për mbrojtjen e të drejtave të autorit, 31 inspektime për parapaketimet, 14 inspektime për mbrojtjen e konsumatorit, 18 inspektime për sigurinë e ashensorëve në përdorim, 4 inspektime për instrumentet matës ligjërisht të kontrolluar, si dhe 10 inspektime për sigurinë e produkteve elektrike.
Sipas ISHMT-së, puna për garantimin e sigurisë së produkteve për konsumatorët dhe mbrojtjen e pronësisë intelektuale, ashtu si për parandalimin e përhapjes së COVID-19 do të vijojë me intensitet.
/j.p/r.e/
