TIRANE, 24 gusht /ATSH/ Në tregun e brendshëm të këmbimit valutor, të martën monedha europiane fitoi pikë kundrejt lekut, ndërsa dollari amerikan u nënçmua me 0.09 lekë.
Sipas kursit zyrtar të Bankës së Shqipërisë, euroja është ngjitur me 0.02 lekë në kuotën e këmbimit me 121.71 lekë, pas një rënie që shënoi disa ditë radhazi në tregun vendas. Ndryshe nga monedha e gjelbër amerikane që ra në vlerën e 103.70 lekëve.
Aktorë të këtij tregu shprehen se, ndryshimet në vlerat e këmbimit valutor janë të pritshme dhe brenda parashikime, duke lënë të nënkuptohet se, tregu valutor orientohet nga ecuria në bursat ndërkombëtare por dhe kërkesë oferta në tregun vendas.
Një euro e fortë penalizon klientët e bankave që kanë marrë kredi në këtë monedhë. Gjithashtu i bën më të shtrenjta importet, si dhe rrit kostot e qeverisë për pagesën e borxhit të jashtëm. Avantazh kanë eksportuesit, norma e fitimit të së cilëve do të rritet.
Forcimi i euros është pasojë jo vetëm e ecurisë së bursave, ku në këto të fundit monedha europiane ka fituar pikë kundrejt dollarit, por edhe për shkak të rënies së dërgesave të emigrantëve në këtë periudhë, që përkon me fundin e sezonit turistik. /j.p/
| Monedha Kryesore | Lekë për njësi të monedhës së huaj | |||
|---|---|---|---|---|
| Dollar Amerikan | USD | 103.70 | -0.09 | |
| Euro | EUR | 121.71 | +0.02 | |
| Poundi Britanik | GBP | 142.25 | +0.41 | |
| Franga Zvicerane | CHF | 113.64 | +0.41 | |
| Jeni Japonez (100) | JPY | 94.51 | +0.22 | |
| Dollari Australian | AUD | 75.03 | +0.55 | |
| Dollari Kanadez | CAD | 82.15 | +0.64 | |
| Korona Suedeze | SEK | 11.92 | +0.06 | |
| Korona Norvegjeze | NOK | 11.69 | +0.08 | |
| Korona Daneze | DKK | 16.37 | +0.01 | |
| SDR | SDR | 147.10 | +0.11 | |
| Ari(OZ 1) | XAU | 187006.36 | +1,512.87 | |
| Argjend(OZ 1) | XAG | 2454.58 | +27.97 | |
| Juani Kinez (onshore) | CNY | 16.01 | +0.01 | |
| Juani Kinez (offshore) | CNH | 16.00 | +0.01 | |
| Lira Turke | TRY | 12.32 | +0.05 | |
