TIRANË 19 gusht /ATSH-I.Vata/ Taskforca e Transportit Rrugor vazhdon kontrollet e mjeteve me mangësi teknike dhe ndotje me nivel të lartë në akset kombëtare 24 orë çdo ditë.
Gjatë aksioneve në terren, taskforca ka intensifikuar kontrollet në lidhje me mjetet me mangësi të dukshme teknike si nivel i lartë ndotjeje, goma të dëmtuara dhe ngarkesa të pasistemuara.
“Është detyrim i drejtuesit të mjetit/subjektit të garantojë gjendje optimale teknike dhe funksionale për mjetin çdo herë që del në rrugë. Respektimi i këtyre kritereve bën të mundur udhëtim dhe rrugë më të sigurta, mbrojtje të rrugëve që janë pasuri publike, por mbi të gjitha qarkullim të sigurt. Drejtuesit e mjeteve dhe subjekteve do penalizohen me masa administrative, deri në pezullim licence dhe aktiviteti”, thuhet në njoftim.
Taskforca është e pranishme në të gjitha akset kombëtare 24 orë çdo ditë. /j.p/
