MADRID, 6 korrik /ATSH-ANSA/ – Spanja ka marrë masat e para drastike për të frenuar valën shpërthyese të rasteve të reja COVID-19 në Katalonjë: nga kjo fundjavë, diskotekat dhe klubet e natës do të duhet të mbyllin sërish dyert e tyre, njoftuan autoritetet rajonale.
“Situata epidemiologjike në Katalonjë është jashtëzakonisht e ndërlikuar”, tha zëdhënësja e qeverisë rajonale, Patrícia Plaja.
“Infeksionet po rriten me një shpejtësi eksponenciale shumë më të lartë nga sa ne mund të përballojmë”, shtoi ajo, duke deklaruar se vetëm dje u regjistruan 6 000 raste pozitive.
Në ngjarjet me më shumë se 500 pjesëmarrës do të jetë e detyrueshme të paraqitet një rezultat negativ testi të shpejtë ose molekular, ose një certifikate që tregon se kursi i plotë i vaksinimit ka përfunduar.
Plaja, gjithashtu, kërkoi të mbahet një maskë, brenda dhe jashtë, në të gjitha situatat kur personat nuk janë bashkëjetues./ /ervo/
