PARIS, 4 korrik /ATSH-ANSA/ – Përmirësimi i këshillave të blerjeve në internet është një nga qëllimet e deklaruara të Facebook dhe gjiganti i medieve sociale ka dy risi kryesore që ndikojnë në reklamat e botuara në Facebook, si në grupe ad-hoc, ashtu edhe drejtpërdrejt nga faqet e kompanive.
Së pari, përmirësimi i përputhjes së produktit: Kjo është teknologjia e bazuar në Inteligjencën Artificiale (IA), me të cilën Facebook njeh një produkt dhe rekomandon të ngjashëm me të.
Ekipi i zhvillimit ka shtuar përbërës të rinj të klasifikimit të imazheve të zbuluara, madje edhe identifikimin e elementeve, të tilla si marka e objektit dhe shkrimet e pranishme në një paketë të mundshme, për ta bashkuar atë më mirë në kategori të caktuara.
Kjo risi pritet të lejojë rezultate më të rëndësishme, kur kërkohen artikuj për të blerë dhe kur sugjerohen produkte të ngjashme.
Së dyti, me etiketimin e asistuar nga IA, kur një shitës poston një imazh në faqen e tij pa e etiketuar, IA ndihmon në identifikimin e artikujve të paetiketuar dhe sugjeron etiketime duke u bazuar në katalogun e produktit.
Risitë e njoftuar prekin jo vetëm Facebook-un, por edhe Instagram-in.
Sipas ekipit të IA për Facebook, kërkimi vizual në seksionin “Store” do të arrijë së shpejti në rrjetin social, në mënyrë që përdoruesit të mund të gjejnë produkte të ngjashme thjesht duke prekur një imazh./ /ervo/
