BERLIN, 1 korrik /ATSH-DPA/ – Konservatorët gjermanë arritën përsëri në 30% të konsensusit të përgjithshëm, një prag zgjedhor i munguar që prej marsit, sipas një sondazhi nga kompania e sondazheve ”Forsa”.
Këto shifra kanë regjistruar një rritje të mëtejshme të distancës midis bashkimit CDU&CSU e Armin Laschet dhe të gjelbërve të Annalena Baerbock, të cilët janë në kuotën e 20%.
Sipas sondazhit, social-demokratët janë në kuotën e 14%, liberalët 12%, ultra-djathtët e AfD 9% dhe Die Linke 7%.
Në preferencat e drejtpërdrejta për kandidatët për kancelarë, Laschet arrin 25%, Baerbock 21% dhe Scholz 14%./ /os/
