TURQI – Erdogan: Një epokë e re po hapet me Uashingtonin

ANKARA, 21 qershor /ATSH-AFP/ – Presidenti turk, Recep Tayyip Erdogan theksoi sot se takimi me homologun amerikan, Joe Biden më 14 qershor kishte mundësuar hapjen e një epoke të re mes dy vendeve pas disa viteve tensione.

“Ne besojmë se kemi hapur portat për një epokë të re me SHBA-në në një bazë pozitive dhe konstruktive”, deklaroi Erdogan për shtypin pasi drejtoi një takim të kabinetit të tij.

“E vetmja kërkesë e Turqisë është të shohë sovranitetin e saj ekonomik dhe politik të respektohet dhe të mbështetet në luftën kundër organizatave terroriste”, shtoi ai.

Ai konfirmoi se dëshironte të përfitonte nga klima pozitive për të cilën ai tha se karakterizoi takimin e tij me Biden për të riforcuar kanalet e dialogut midis dy vendeve.

Të dy udhëheqësit u takuan në 14 qershor në kuadër të një samiti të NATO-s në Bruksel, për herë të parë që kur Biden mori detyrën./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.