PRISHTINË, 21 qershor /ATSH/ Përfaqësuesi i Lartë i Bashkimit Europian, Josep Borrell deklaroi sot se ai informoi ministrat e Punëve të Jashtme të vendeve të BE-së mbi raundin e fundit të dialogut Kosovë-Serbi javën e kaluar dhe qëllimin për një takim të ri në korrik.
Duke përmbledhur rezultatin e sesionit të ministrave të jashtëm të BE-së në Luksemburg, Borrell vuri në dukje se “bashkëpunimi midis SHBA dhe Bashkimit Europian është shumë i mirë, nuk ka më konkurrencë dhe përpjekje nga pala amerikane për të marrë përsipër dialogun.
Borrell shtoi se në ndërmjetësimin për normalizimin e marrëdhënieve midis Kosovës dhe Serbisë, tani ka “bashkëpunim të fortë” midis BE dhe SHBA dhe se “kjo do të ndihmojë”.
Sipas tij, dialogu Kosovë-Serbi në sesionin e ministrave të Bashkimit Europian ishte “vetëm një pikë në temat aktuale dhe vetëm disa minuta iu kushtuan asaj”.
