ROMË, 13 qershor /ATSH-ANSA/ – Fëmijët midis 3 dhe 5 vjeç e kanë të vështirë të kuptojnë ndjenjat që fshihen pas maskave: ata mund të arrijnë ta realizojnë këtë në vetëm 40% të rasteve, sipas një hulumtimi të parë të bërë mbi këtë temë, i kryer nga Instituti italian i Teknologjisë.
Muaj më parë, OBSH dhe UNICEF kishin këshilluar kundër përdorimit të maskave në kontekstet ku përfshiheshin fëmijë nën 5 vjeç, pasi aftësitë e rëndësishme emocionale zhvillohen në atë grupmoshë.
Për të hetuar më thellë temën, studiuesit përgatitën një pyetësor që përmban imazhe të personave me dhe pa maska.
Testi u përfundua nga 119 subjekte, përfshirë 31 fëmijë midis moshave 3 dhe 5 vjeç, 49 fëmijë midis moshave 6 dhe 8 vjeç dhe 39 të rritur midis moshave 18 dhe 30 vjeç.
Subjektet, në mënyrë të pavarur ose me ndihmën e prindërve të tyre në rastin e më të vegjëlve, duhej të përpiqeshin të njihnin shprehjet e fytyrave, me dhe pa një maskë kirurgjikale.
Rezultatet treguan se fëmijët midis 3 dhe 5 vjeç janë në gjendje të njohin shprehjet e fytyrës të mbuluara me maska vetëm 40% të kohës, ndërsa përqindjet rriten me rritjen e moshës: 55-65% midis 6 dhe 8 vjeç, 70-80% midis të rriturve./ /ervo/
