KIEV, 1 qershor /ATSH-DPA/ – Kombet e Bashkuara kritikuan mbylljen e tre stacioneve televizive që i përkasin opozitës pro-ruse në Ukrainë.
“Vendimi ishte i pajustifikuar, disproporcional dhe në kundërshtim me standardet ndërkombëtare të të drejtave të njeriut”, tha misioni i KB në Kiev në një raport të botuar sot.
Në fillim të shkurtit, presidenti Volodymyr Zelensky vendosi sanksione ndaj politikanëve ukrainas dhe kompanive të tyre që konsiderohen pro-ruse.
Si rezultat, tre stacione televizive të opozitës pro-Moskës u mbyllën.
Ekspertët e KB kritikuan, gjithashtu, separatistët e mbështetur nga Rusia për rekrutimin e të rinjve në forcat e tyre.
Sipas ligjit ndërkombëtar, qytetarët nuk mund të detyrohen të luftojnë kundër shtetit të tyre, cilësohet në deklaratë./ /ervo/
