SAN FRANCISKO, 23 maj /ATSH-AA/ – Aplikacioni i njohur për mesazhet, WhatsApp, premtoi se nuk do të fshijë llogaritë dhe as nuk mund të shohë mesazhet personale të përdoruesve, në një përpjekje për të qetësuar përdoruesit e tij, ndërkohë që përditësimet e diskutueshme të politikës së tij të privatësisë hynë në fuqi në disa zona.
“Jo, ne nuk mund t’i shohim mesazhet tuaja personale. Jo, ne nuk do ta fshijmë llogarinë tuaj. Po, ju mund të dakordoheni në çdo kohë”, shkroi WhatsApp në Twitter.
Në janar, WhatsApp detyroi shumë përdorues të bien dakord për rregulla të reja të privatësisë për ndarjen e të dhënave personale me kompanitë e Facebook-ut, por pasi u përball me një reagim, aplikacioni e shtyu këtë hap deri në mes të majit.
Facebook ka një histori të ndërlikuar të ndryshimit të politikave të tij pa njoftuar përdoruesit ose duke lëshuar informacionet personale pa dijeninë e përdoruesve./ /ervo/
