NJU JORK, 19 maj /ATSH-DPA/- Organizata ”Trump”, shoqëria që kontrollon pronat dhe investimet e familjes së ish-presidentit të SHBA Donald Trump, është objekt i një hetimi penal, deklaroi prokurori i Shtetit të Nju Jorkut.
“Ne kemi informuar organizatën ‘Trump’ se hetimi ynë ndaj kësaj organizate nuk është më vetëm i natyrës civile”, theksoi një zëdhënës.
“Tani jemi duke hetuar në mënyrë aktive ‘Organizatën’ Trump në gjykatën penale, së bashku me prokurorin e Manhattanit”, shtoi ai.
Hetimi i Prokurorit të Qarkut fillimisht u përqendrua në pagesat e parregullta të bëra kundrejt dy grave që pretenduan se kishin pasur marrëdhënie me ish-presidentin, duke përfshirë yllin e pornografisë Stormy Daniels, por më pas u zgjerua në akuzat e evazionit fiskal dhe mashtrimit bankar.
Ky hetim po vazhdon me dyer të mbyllura./ /os/
