Franca eksperimenton aplikacionin për pasaportën e saj COVID-19

PARIS, 20 prill /ATSH-AFP/ – Franca ka filluar të eksperimentojë pasaportën e saj shëndetësore, që mund të paraprijë certifikatën që pritet në fund të qershorit nga Brukseli për të vërtetuar rezultatet e testeve dhe vaksinimit antiCovid dhe që do të lehtësojë udhëtimet brenda BE-së.

Aplikacioni celular TousAntiCovid, i shkarkuar tashmë nga gati 15 milionë persona në Francë, ka filluar përditësimin nga e hëna në mbrëmje, duke përfshirë një “fletore” për të ruajtur provat e një rezultati të vlefshëm të testit COVID-19 (dhe negativ), qoftë antigjenik ose PCR.

Aplikimi gjithashtu do të bëjë të mundur ruajtjen e “një certifikate shërimi nga COVID-19” dhe, nga 29 prilli, certifikatën e vaksinimit.

Franca do ta testojë së pari sistemin e saj në disa fluturime që lidhin metropolin me Korsikën, pastaj në javët e ardhshme për jashtë shtetit.

Në vazhdim, pas marrjes së një dritë jeshile nga Komisioni Europian, që pritet në qershor, ajo do ta përgjithësojë atë edhe tek udhëtarët ndërkufitarë.

Sipas qeverisë dhe Drejtorisë së Përgjithshme për Shëndetin, të dhënat shëndetësore të përdoruesit nuk shkëmbehen në rrjet pasi të jenë certifikuar./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.