TIRANË, 23 mars /ATSH/ Shërbimi Meteorologjik Ushtarak bën të ditur se ditën e martë vendi ynë parashikohet të ndikohet nga kushte relativisht të paqëndrueshme atmosferike.
Moti do të jetë me alternime kthjellimesh dhe vranësirash në zonat e ulëta dhe ato bregdetare ndërsa në zonat malore mot me vranësira të dendura.
Në relievet malore vranësirat do të shoqërohen me reshje të dobëta dëbore përgjatë gjithë ditës. Do ketë mjegull nga reshjet e dëborës në relievet malore ndërsa në zonat e tjera në orët e mëngjesit mjegullinë.
Era parashikohet të fryjë me drejtim verilindje – veri mesatare me shpejtësi 3-10 m/s dhe përgjatë bregdetit, zonave të ulëta dhe zonat luginore erë e fortë dhe intensive me shpejtësi deri në 22-25 m/s.
Valëzimi në dete parashikohet i forcës 2-5 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 2/12 | Re diell |
| Kukës | -1/3 | Re borë |
| Lezhë | 3/10 | Re diell |
| Dibër | -4/2 | Re borë |
| Durrës | 5/12 | Re diell |
| Tiranë | 5/12 | Re diell |
| Elbasan | 2/10 | Re diell |
| Berat | 3/12 | Re diell |
| Vlorë | 3/12 | Re diell |
| Korcë | -4/2 | Re borë |
| Gjirokastër | 2/11 | Re diell |
| Sarandë | 3/12 | Re diell |
