TIRANË, 11 mars /ATSH/ Banka e Shqipërisë, bën të ditur se, kredia me probleme shënoi nivelin 8.2%, në janar të këtij viti, nga 8.11% që ishte në fund të vitit 2020.
Sipas BSH-së, rritja minimale e kredisë me probleme nuk e shmang këtë tregues nga nivelet e qëndrueshme që ka regjistruar vitet e fundit.
Qëndrueshmëria e raportit të kredive me probleme u ndikua shumë nga masat rregullatore lehtësuese që ndërmori BSH-ja, ndër të cilat shtyrje e pagesës së kësteve të kredisë për një periudhë 6 mujore, apo dhe ristrukturimi i kredive, duke i ardhur në ndihmë individëve dhe biznesit për më shumë likujditet në kushtet e situatës së vështirë të krijuar nga COVID.
Në fund të janarit, portofoli i kredisë ishte në rritje me 6.6% krahasuar me një vit më parë.
