TIRANË, 9 mars/ATSH/- Shërbimi Meteorologjik Ushtarak bën të ditur se ditën e martë vendi ynë do të ndikohet nga kushte atmosferike të paqëndrueshme. Moti do të jetë me alternime vranësirash dhe kthjellime.
Parashikohen reshje shiu me intensitet të ulët në veri e veriperëndim të vendit, lokalisht reshje me intensitet mesatar (në qarkun Shkodër). Në Alpe reshje bore me intensitet deri mesatar, ndërsa në verilindje në lartësinë mbi 700-800 metra reshje bore me intensitet të ulët.
Era parashikohet të fryjë me drejtim kryesor nga kuadrati i veriut me shpejtësi mesatare 1-8m/sek, e cila përgjatë vijës bregdetare dhe zonave luginore hera-herës fiton shpejtësi deri në 15-18m/sek. Deti i forcë 2-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 5/15 | diell shi |
| Kukës | 2/8 | diell shi |
| Lezhë | 6/16 | diell shi |
| Dibër | 1/8 | diell shi |
| Durrës | 7/17 | diell shi |
| Tiranë | 8/17 | diell re |
| Elbasan | 6/16 | diell re |
| Berat | 2/17 | diell re |
| Vlorë | 7/18 | diell re |
| Korçë | 0/13 | diell re |
| Gjirokastër | 2/16 | diell re |
| Sarandë | 8/18 | diell re |
