KABUL, 4 mars /ATSH-DPA/ – Shtetet e Bashkuara të Amerikës duan të përshpejtojnë procesin e paqes në Afganistan duke u përqendruar në diplomaci dhe duke marrë mbështetje më të gjerë ndërkombëtare, deklaroi ambasada amerikane në Kabul.
I dërguari i SHBA, Zalmay Khalilzad, diskutoi mundësi të ndryshme për të çuar përpara procesin e paqes me udhëheqësit afganë, bëri të ditur ambasada në një deklaratë pas përfundimit të një vizitë treditore në Kabul.
Sipas raporteve të mediave lokale, Khalilzad ka sugjeruar një konferencë ndërkombëtare mbi Afganistanin në të cilën Kombet e Bashkuara do të luajnë një rol të rëndësishëm.
Vizita e Khalilzad ishte e para nën administratën e re amerikane të presidentit Joe Biden.
Me presidentin amerikan Donald Trump, Khalilzad kishte ndërmjetësuar një marrëveshje me talebanët kryengritës e cila do të finalizonte një tërheqje të trupave amerikane dhe forcat ndërkombëtare të largoheshin nga Afganistani deri në maj, ndërsa talebanët ranë dakord të fillojnë negociatat e paqes me qeverinë afgane./ /os/
