”Volvo” 100% elektrike deri në 2030

PARIS, 2 mars /ATSH-AFP/ – ”Volvo” do të prodhojë vetëm makina elektrike deri në 2030, të shitura vetëm në internet, njoftoi sot prodhuesi suedez, drejtuesi i të cilit konfirmoi se objektivi do të arrihet brenda katër viteve.

“Të gjitha automjetet tona elektrike do të shiten vetëm në internet”, theksoi Hakan Samuelsson, drejtuesi i ”Volvo Cars”, në një konferencë shtypi.

Që prej vitit 2025, gjysma e automjeteve tona do të jenë elektrike dhe gjysma e shitjeve do të bëhet në online.

“Volvo’, filial i grupit kinez ‘Geely’, do të përshpejtojë elektrifikimin e modeleve të saj dhe planifikon të tërheqë nga katalogu të gjitha modelet e saj me djegie, duke përfshirë hibridet”, theksoi prodhuesi i nivelit të lartë në një njoftim për shtyp.

”Volvo” pritet të paraqesë modelin e tij të dytë 100% elektrik, SUV-C40 dhe  po përgatit një model të vogël elektrik të dizenjuar për rrugët europiane./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.