LONDËR, 22 shkurt /ATSH-DPA/ – Një dozë e vetme e vaksinës “Pfizer/BioNTech” ul normat e pranimit në spital dhe vdekjet nga COVID-19 me më shumë se 75% te personat e moshës mbi 80 vjeç, sipas të dhënave më të fundit.
Të dhënat, të botuara sot, janë marrë nga trupi shëndetësor anglez, Shëndeti Publik Angli (PHE) dhe është analiza e parë e pavarur në Britaninë e Madhe, që tregon efikasitetin e vaksinës “Pfizer/BioNTech” jashtë provave.
Të dhënat e marra nga më shumë se 12 000 80-vjeçarë gjetën të paktën 57 % mbrojtje kundër COVID-19, 28 ditë pas vaksinimit, me një dozë të vetme të vaksinës së bërë nga “Pfizer/BioNTech”, duke u rritur në 88 % pas një doze të dytë.
PHE po monitoron gjithashtu edhe ndikimin në botën reale të vaksinës “AstraZeneca/Oxford” dhe do t’i publikojë këto gjetje në kohën e duhur, por sqaroi se të dhënat e hershme sugjerojnë se vaksina po ofron nivele të mira të mbrojtjes që me dozën e parë./ /ervo/
