MYNIH – Biden: Demokracia është në rrezik, duhet ta mbrojmë

MYNIH, 19 shkurt /ATSH-ANSA/ – Në shumë vende, përfshirë SHBA-në dhe Europën, përparimi i demokracisë është në rrezik, tha sot presidenti amerikan, Joe Biden, në fjalimin e tij në Konferencën e Mynihut, sipas fragmenteve të lëshuara nga Shtëpia e Bardhë.

“Ne duhet ta mbrojmë atë”, paralajmëroi ai.

Për presidentin amerikan, “Përballë sfidave globale, siç është pandemia, autokracitë nuk janë përgjigjja, siç argumentojnë shumë. Demokracia duhet të mbizotërojë”, vazhdoi presidenti.

Biden theksoi, gjithashtu, se vendet duhet të tregojnë se demokracitë ende mund të përmbushin funksionin e tyre në plotësimin e nevojave të popujve të tyre./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.