TIRANË, 9 shkurt/ATSH/ Materniteti i Sarandës ka pësuar tashmë një transformim rrënjësor pas investimit nga buxheti i shtetit, i cili për vite ishte lënë në harresë e me kushte aspak dinjitoze për stafin mjekësor dhe pacientët.
Ministrja e Shëndetësisë dhe Mbrojtjes Sociale, Ogerta Manastirliu ka publikuar sot një fotogaleri nga ky maternitet para dhe pas investimit, ku duket qartë transformimin që ka pësuar.
Materniteti i ri i Sarandës është një investim i buxhetit të shtetit me vlerë 336 milionë lekë, i cili u shërben 140 mijë qytetarëve të katër bashkive: Sarandë, Konispol, Delvinë dhe Finiq.
/a.a/r.e/
