PRISHTINË, 1 shkurt/ATSH/- Kosova dhe Izraeli, sipas marrëveshjes të nënshkruar në Shtëpinë e Bardhë në 4 Shtator, kanë zyrtarizuar sot njohjen reciproke.
Përmes një ceremonie virtuale, ministrja në detyrë e Punëve të Jashtme dhe Diasporës, Meliza Haradinaj-Stublla dhe ministri i Punëve të Jashtme të Izraelit, Gabriel Ashkenazi, kanë nënshkruar dokumentin ku thuhet se të dyja shtetet vendosin marrëdhënie diplomatike, për të rritur bashkëpunimin në shumë fusha.
Dokumenti është nënshkruar në katër kopje, në gjuhën shqipe, angleze, hebreje dhe serbe.
Dy ministritë kanë nënshkruar memorandum edhe për konsultime politike dhe memorandum për bashkëpunim zhvillimor.
Kryediplomatja kosovare tha se me vendosjen e këtyre marrëdhënieve diplomatike, Kosova po hynë në një etapë të re.
