SEUL, 28 janar /ATSH-DPA/ – Edhe pse kompania ”Samsung” arriti një fitim gjatë tremujorit të katërt me 23,3% krahasuar me vitin e kaluar, nxitur sidomos nga nga ekranet dhe çipat të memories, problem mbetet mungesa e tregut për smartfonë.
Qarkullimi tremujor u rrit me 2,8% krahasuar me një vit më parë.
Biznesi i çipave të memories ka të ngjarë të vazhdojë të vuajë nga kostot e lidhura me linjat e reja të prodhimit, pavarësisht kërkesës së fortë nga produktet e lëvizshme dhe qendrat e të dhënave.
Për 2021, kompania pret një rimëkëmbje të kërkesës së përgjithshme globale, por paqartësitë vazhdojnë në lidhje me mundësinë e valëve të përsëritura të Covid-19.
Por, kompania pret që kërkesa e tregut për smartfonë dhe tableta të bjerë nga tremujori në tremujor për shkak të sezonalitetit të dobët.
Sidoqoftë, të ardhurat dhe fitimet për industrinë e komunikimeve celulare pritet të rriten, të nxitura nga shitjet e modelit Galaxy S21 dhe përmirësimi i përzierjes së produkteve./ /os/
