FRANKFURT, 19 janar /ATSH-DPA/ – Agjencia e Sigurisë së Aviacionit të Bashkimit Europian (EASA) pritet të miratojë avionin 737 Max të mbërthyer nga krizat e ”Boeing” duke i mundësuar asaj kthimin në qiell në ditët e ardhshme.
”Miratimi pritet javën e ardhshme, pasi ndryshimet e bëra në modelin e avionit plotësuan kushtet e sigurisë së fluturimit”, tha EASA.
737 Max tashmë është aprovuar edhe në Shtetet e Bashkuara të Amerikës dhe Brazil.
Flota e avionëve e linjave të mesme u pezullua në mars 2019, pas dy përplasjeve të 737 Max për shkak të softuerit të gabuar të drejtimit, në të cilin vdiqën gjithsej 346 persona. /os/
