TIRANË, 15 janar /ATSH/ Zhvillimet në ekonominë reale kanë bërë që bizneset të shprehet optimiste sa i takon ecurisë së punësimit në sektorin e ndërtimit dhe shërbimeve.
Sipas një ankete që Banka e Shqipërisë zhvilloi, në kuadër të indeksit të Besimit rezultoi se balanca e përgjigjeve për bizneset në sektorin e shërbimeve për pritshmërinë e punësimit shënoi rritje me 10 % në tremujorin e katërt të vitit 2020.
Në të njëjtin trend janë edhe pritshmëritë e bizneseve të ndërtimit, ku balanca e pritshmërive për punësimin shënoi rritje me 5.6 % në tremujorin e katërt 2020.
Sipas BSH-së, gjatë krizës që krijoi pandemia, ndërtimi është i një sektorët që përformoi rritje në treguesit e punësimit, shitjeve dhe çmimeve. Ndërsa sektori i shërbimeve ishte më i godituri, por që pritshmëritë janë për një rizhvillim të tij, për periudhën në vijim.
Treguesit e punësimit nisën përmirësimin pas muajit qershor 2020, bën të ditur BSH-ja.
/r.e/
