PARIS, 15 janar /ATSH-AFP/ – Shkrimtari libanez, Alexandre Najjar mori Çmimin e Madh të Frankofonisë, akorduar nga Akademia franceze, njoftoi sot botuesi Plon.
“Ky çmim kurorëzon veprën e një personi fizik frankofon që, në vendin e tij apo në shkallë ndërkombëtare, ka dhënë një kontribut të shquar në mirëmbajtjen dhe ilustrimin e gjuhës frënge”, theksoi Plon në një njoftim për shtyp.
I lindur në vitin 1967 në Bejrut, Alexandre Najjar është autor i 30 romaneve, tregimeve, poezive dhe biografive.
Ai shkroi veçanërisht “Romani i Bejrutit”, “Fjalori i dashuruar i Libanit”, ose një biografi e poetit libanez Khalil Gibran.
Në vitin 2018, ai ishte një finalist për Çmimin Interallie për “Harry dhe Franz” (Plon), një roman në lidhje me miqësinë e një prifti gjerman dhe një aktori francez të denoncuar si hebre për xhelozi të kolegëve të tij, gjatë Luftës së Dytë Botërore./ /ec/
