ANKARA, 8 janar /ATSH-AA/ – Rritja e kohës para ekranit për fëmijët gjatë pandemisë së COVID-19 po ndikon negativisht në modelin dhe cilësinë e tyre të gjumit, sipas një mjeku turk.
“Zakonet dixhitale shkaktojnë probleme serioze në kohëzgjatjen e gjumit dhe vonesën e gjumit, që është shumë më e rëndësishme sidomos në fëmijëri”, tha Vural Fidan, kreu i Shoqërisë turke për Gjumin (TUTDER).
“Koha para ekranit shkakton, gjithashtu, probleme në hormonet që ruajnë ekuilibrin e trupit, veçanërisht hormonin e rritjes të lëshuar gjatë gjumit”, shtoi ai.
Sipas tij, fëmijët duhet të mbahen veçanërisht larg ekraneve gjatë natës, për të promovuar gjumë cilësor.
Në mënyrë që të mbrojë fëmijët nga këto efekte të dëmshme në rritjen e tyre mendore dhe fizike, ai i këshillon prindërit t’u lexojnë libra fëmijëve të tyre./ /ervo/
