LONDËR, 26 dhjetor /ATSH-ANSA/ – Shkencëtarët britanikë po eksperimentojnë me një ilaç të ri që mund të parandalojë ata që janë të ekspozuar ndaj Covid-19 të zhvillojnë sëmundjen.
Një terapi e tillë me antitrupa do të jepte imunitet të menjëhershëm dhe mund të administrohej si një trajtim urgjent për pacientët e shtruar në spital ose për grupet e rrezikut.
Ilaçi u zhvillua nga Spitali i Kolegjit Universitar të Londrës (Uclh) dhe AstraZeneca.
Ekipi shpreson që studimi të tregojë se kokteji i antitrupave mbron nga koronavirusi për mes gjashtë dhe 12 muaj.
Nëse miratohet, do të administrohet për këdo që ka qenë i ekspozuar ndaj Covid-19 në tetë ditët e para.
Ky ilaç mund të jetë në dispozicion nga muaji mars ose prill./ a.jor.
