ROMË, 16 dhjetor /ATSH-ANSA/ – Divan në formën e buzëve, i projektuar nga Gufram në vitin 1970, sapo mbushi 50 vjeç.
Ky divan, mishërimi perfekt i bukurisë abstrakte femërore, me linja të buta dhe mbështjellëse, është ekspozuar në muzetë më të rëndësishëm të botës, përfshirë Luvrin, Muzeun e Artit dhe Shkencës së Zbatuar në Sidnej dhe Muzeun e Dizajnit në Mynih.
Ai e merr frymëzimin nga buzët e Mae West ose më saktësisht nga portreti që Salvador Dalì i bëri asaj në vitin 1935 dhe ka veçantinë e të pasurit dy kënde paksa të ndryshëm, ashtu si buzët e njeriut, dhe për këtë arsye edhe më joshëse./ a.jor.
