EMA mbron qasjen e saj për vaksinën antiCOVID-19

HAGË, 3 dhjetor /ATSH-AFP/ – Agjencia Europiane e Medikamenteve (EMA) theksoi sot se kishte qasje më të përshtatshme se sa duket në kuadër të miratimit të vaksinës së parë kundër COVID-19, ndërkohë që Britania e Madhe i ka hapur dritën e gjelbër vaksinës së Pfizer dhe BioNTech.

Agjencia pritet të mblidhet më 29 dhjetor për të vendosur nëse do të japë ose jo një miratim të kushtëzuar për vaksinën e zhvilluar nga gjiganti farmaceutik amerikan Pfizer në partneritet me laboratorin bioteknologjik gjerma BioNTech.

Nga pala britanike, disa anëtarë të qeverisë mendojnë se dalja e vendit nga Bashkimi Europian i kishte mundësuar të shpejtojë vlefshmërinë e vaksinës para fqinjëve të saj europianë duke u liruar nga rregullat e përbashkëta.

Britania e Madhe në një periudhë tranzicioni deri më 31 Dhjetor, mbetet teknikisht deri në atë datë subjekt i rregullave europiane, veçanërisht për sa i përket medikamenteve, por ka miratuar vaksinën nën një masë të jashtëzakonshme.

“EMA theksoi se një autorizim i tregut të kushtëzuar është mekanizmi i rregullimit më të duhur për t’i bërë ballë urgjencës së krijuar nga pandemia aktuale”, theksoi agjencia në një komunikatë.

Gjatë urgjencave të shëndetit publik, laboratorët mund t’i kërkojnë EMA-s një autorizim me kusht për të përspejtuar një proces që zgjat normalisht disa vite.

Sipas rregullatorit europian, kjo nënkupton një “kornizë solide dhe të kontrolluar” për studimin e të dhënave laboratorike dhe provave të mëdha klinike para se të merret ndonjë vendim.

“Këto janë elemente thelbësore për të siguruar një nivel të lartë të mbrojtjes së qytetarëve gjatë një fushate masive vaksinimi”, shtoi Agjencia./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.