LONDËR, 2 nëntor /ATSH-AFP/ – Princi William, i dyti në rendin pasardhës për kurorën britanike, ka qenë i infektuar me COVID-19 në muajin prill dhe ka pasur vështirësi respiratore, zbuloi sot “The Sun”.
Sipas tabloidit, princi 38-vjeçar, nuk kishte dëshiruar të fliste për kontaminimin e tij sepse kishte pasur gjëra më të rëndësishme që po ndodhnin dhe ai nuk dëshironte të shqetësonte njeri.
Konform këshillave të qeverisë, William ishte izoluar në shtëpinë e tij familjare të Anmer Hamm, në Norfolk, në lindje të Anglisë, por kishte vazhduar të kryente angazhimet e tij me telefon apo video-konferencë.
Pallati Kensington nuk pranoi të komentonte mbi këtë informacion.
Asnjë shpjegim nuk është dhënë se pse familja mbretërore nuk e ka bërë publike këtë kontaminim, ndryshe nga ai i Princit Charles, djali i Mbretëreshës Elizabeth dhe trashëgimtar i kurorës, i njoftuar më 25 Mars nga shërbimet e tij.
Princi i Uellsit, që vuante nga “simptoma të lehta”, u izolua më pas për shtatë ditë në rezidencën e tij në Skoci me gruan e tij Camilla, kishte theksuar Clarence House në një deklaratë dhe kishte vazhduar të punonte në telefon si zakonisht.
“Por djali i tij William ishte prekur shumë rëndë nga virusi”, sipas “The Sun”.
“Me të vërtetë ai u prek rëndë”, i tha një burim anonim gazetës, duke shtuar se në një moment ai kishte pasur probleme me frymëmarrjen, kështu që të gjithë rreth tij ishin dukshëm mjaft të trembur.
Britania e Madhe, vendi më i prekur nga pandemia në Europë, me 46 555 të vdekur, është godituar tashmë nga vala e dytë e epidemisë.
Anglia po përgatitet të hyjë në një kufizim tjerë, ashtu si në rastin e Uellsit./ /ec/
