SAN FRANCISKO, 13 tetor /ATSH-AFP/ – Të gjithë celularët e rinj “iPhone” të “Apple” do të kenë aftësinë të përdorin rrjetin 5G, gjenerata e fundit e telefonave celularë ultra të shpejtë, tha sot gjiganti i elektronikës dhe teknologjisë gjatë prezantimit të produktit të ri.
“Sot është fillimi i një epoke të re”, tha drejtori ekzekutiv i “Apple”, Tim Cook.
“IPhone 12” ka një mikroqark të ri përpunimit, “A14 Bionic”, që “Apple” pretendon se është deri në 50 % më i shpejtë se çdo njësi tjetër përpunimi në celularë.
“Ai ka të njëjtën madhësi ekrani si “iPhone 11″, por trupi është 11 % më i hollë dhe 16 % më i lehtë”, sqaroi Kaiann Drance, zëvendëspresident i marketingut të “iPhone”.
Gama e parë e “iPhone” me 5G, “iPhone 12”, po pritej me padurim nga tregjet, një vit pas paraqitjes së telefonave inteligjentë me 5G nga dy liderët e tregut, “Samsung” dhe “Huawei”./ /ervo/
