SHBA – Talebanët mirëpresin njoftimin e Trump për tërheqjen e trupave

UASHINGTON, 8 tetor /ATSH-DPA/ – Talebanët kanë mirëpritur një mesazh nga presidenti i SHBA Donald Trump që trupat amerikane duhet të tërhiqen nga Afganistani deri në Krishtlindje.

Grupi militant e quajti deklaratën e Trump një “hap pozitiv” duke shtuar se ishte i përkushtuar për zbatimin e një marrëveshjeje të përbashkët nënshkruar midis talebanëve dhe SHBA në muajin shkurt.

Trump shkroi në Twitter se ”numri i vogël i mbetur i forcave amerikane në Afganistan duhet të kthehet para Krishtlindjeve”, por nuk dha detaje të tjera.

Pas mesazhit, ministria Afgane e Mbrojtjes lëshoi ​​një deklaratë video duke thënë se ajo ka “aftësinë për të zmbrapsur sulmet e armikut në të gjithë vendin”, pa iu referuar drejtpërdrejt mesazhit të Trump.

SHBA nënshkroi një marrëveshje me talebanët më 29 shkurt, që parashikon një tërheqje graduale të të gjitha forcave të NATO-s nga Afganistani brenda 14 muajve.  /os/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.