TIRANË, 23 shtator /ATSH/ Bashkia e Shkodrës vazhdon mbështetjen e familjeve në nevojë dhe fëmijëve të tyre.
Në mjediset e Qendrës Komunitare Multifunksionale “Për Familjen”, janë shpërndarë 80 çanta dhe 80 komplete didaktike për fëmijët e komunitetit rom të cilët frekuentojnë shkolla të ndryshme në qytetit dhe që marrin shërbime në këtë qendër.
Shpërndarja e çantave dhe mjeteve didaktike, po vijon edhe në qendrat e tjera komunitare “Për Familjen” nr. 4, nr. 5 dhe në njësitë administrative.
Pavarësisht situatës së pandemisë COVID-19 kjo qendër, por edhe të tjera në territorin e Bashkisë Shkodër, kanë vijuar ofrimin e shërbimeve, mbështetjen e përditshme të fëmijëve dhe familjeve në nevojë.
/gj.mima/j.p/r.e/
