NJU JORK, 21 shtator /ATSH-ANSA/ – Kompania e aplikacionit TikTok ka paditur administratën Trump për ndalimin e këtij aplikacioni.
Kjo është hera e dytë që kompania TikTok sfidon veprimet e presidentit amerikan në gjykatë.
Sipas aplikacionit, presidenti Trump ka tejkaluar autoritetin e tij dhe se e ka bërë këtë për arsye politike dhe jo për të frenuar një kërcënim të jashtëzakonshëm për SHBA.
TikTok, në padinë e ngritur në gjykatë dhe raportuar nga agjencia Bloomberg, thekson se ”veprimi i Trump do të shkatërronte një komunitet në internet ku miliona amerikanë bashkohen për t’u shprehur” dhe se ”administrata ka injoruar provat që tregojnë angazhimin e TikTok për privatësinë dhe sigurinë e qytetarëve amerikanë”. /os/
