VARSHAVË, 13 korrik /ATSH-PAP/ – Presidenti polak, Andrzej Duda fitoi zgjedhjet presidenciale në Poloni me 51,21% të votave, pas numërimit të 99,97% të votave në të gjithë vendin.
Pasi paraqiti rezultatet nga 99,97% e vendvotimeve të hënën në mëngjes, Komisioni Shtetëror Zgjedhor (PKW) njoftoi se presidenti në detyrë, Andrzej Duda mori 51,21% të votave në balotazhin e djeshëm të zgjedhjeve presidenciale.
Konkurrenti i tij, Rafal Trzaskowski, fitoi 48,79% të tyre.
Kreu i PKW, Sylwester Marciniak tha se rezultatet nuk kishin gjasa të ndryshonin edhe pasi të llogariteshin të gjitha votat./ a.jor.
