ROMË, 18 qershor /ATSH-DPA/ – Policia italiane njoftoi se kishte arrestuar 11 persona, me dyshimin si anëtarë të grupit mafioz “Ndrangheta”.
Sipas karabinierëve, të dyshuarit u kapën në Kalabri, ”shtëpia” e rajonit jugor të “Ndrangheta”-s, si dhe në zonën e Firences dhe në pjesë të tjera të Italisë.
Përtej 11 të arrestuarve, u dha urdhër-ndalimi edhe për shtatë persona, ndërkohë që më shumë se 60 të tjerë janë nën hetim.
Thuhet se të dyshuarit drejtonin një kartel droge të “Ndrangheta”-s që furnizohej me kokainë nga Brazili.
“Ndrangheta” e ka origjinën nga Kalabria, por është zgjeruar globalisht.
Besohet të jetë rrjeti më i fuqishëm i krimit të organizuar në botë dhe kontrabandistja kryesore e kokainës në Europë./ /sara/
