FUTBOLL – COVID-19 godet buxhetin e klubeve të Premier League

LONDËR, 11 qershor /ATSH-AA/ – Klubet që luajnë në Premier League angleze do të kenë humbje të mëdha të të ardhurave për shkak të koronavirusit të ri.

Sipas studimit të kompanisë “Deloitte”, pritet që 20 ekipe nga Premier League të mbeten pa të ardhura prej rreth 1 miliard sterlinash në sezonin 2019-20.

Studimi tregon se 20 klube realizuan të ardhura në total prej 5,2 miliardë sterlinash sezonin e kaluar, që është 7% më shumë se sezonin e kaluar.

Megjithatë, këtë vit, për shkak të pandemisë së COVID-19, ligat e futbollit në Angli u pezulluan në mars, ndërkaq 92 ndeshjet e mbetura do të luhen pa tifozë, e cila do të lë pasoja të mëdha ekonomike për shumë klube.

Manchester United muajin e kaluar deklaroi se pandemia i ka kushtur 28 milionë sterlina ndërsa pret që humbjet përfundimtare të jenë edhe më të larta.

Premier League u pezullua më 13 mars për shkak të pandemisë globale të COVID-19.

Kompeticioni do të vazhdojë më 17 qershor pa praninë e spektatorëve, ndërsa ndeshjet e para do të luhen në mes Aston Villas dhe Sheffield Unitedit në orën 19:00 ndërsa ndeshja Manchester City dhe Arsenal në 21:15.

Në kohën e ndërprerjes së sezonit, lider në tabelë ishte Liverpooli me 82 pikë, madje 25 pikë më shumë se Manchester City në pozitën e dytë.   /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.