GJENEVË, 8 qershor /ATSH-AFP/- Deputetët zviceranë miratuan masivisht sot përdorimin e një aplikacioni për të gjurmuar personat potencialisht të infektuar nga koronavirusi i ri, në përpjekje për të parandaluar një valë të dytë të pandemisë së COVID-19.
Këshilli Kombëtar, Dhoma e Ulët e Parlamentit zviceran, e miratoi një projekt të tillë me 156 vota pro dhe 22 kundër.
Aplikacioni smartphone përdor teknologjinë Bluetooth për të gjurmuar kontaktet që mund të ketë patur një person i testuar pozitiv për SARS-CoV-2.
Përdorimi i aplikacionit është vullnetar dhe informacioni nuk ruhet.
Në Zvicër, deri më tani, janë regjistruar 30 900 raste infektimi dhe rreth 1 600 viktima nga COVID-19./ /ervo/
