LUKSEMBURG, 16 maj /ATSH-DPA/ – Luksemburgu hapi kufirin rrugor me Gjermaninë, pas një mbylljeje dymujore për shkak të pandemisë së koronavirusit.
Që nga e premtja në mesnatë, luksemburgasit dhe gjermanët mund të kalojnë pa patur nevojë të kenë një arsye të fortë.
Sipas policisë federale në qytetin Trier, janë rihapur 12 vendkalimet përgjatë kufirit dhe makinat nuk kanë nevojë të kalojnë më nëpër vendkalimet e monitoruara.
Ministri i Jashtëm i Luksemburgut, Jean Asselborn shprehu lehtësimin e tij.
“Erdhi koha që kjo të përfundonte”, shtoi ai./ /sara/
