MADRID, 11 maj /ATSH-ANSA/ – Katër qarqe spanjolle janë baza e projektit të ”Dorna”-s, kompani që menaxhon kampionatin Moto Gp, për të shpëtuar Kampionatin Botëror 2020.
Sipas gazetës spanjolle ”Marca”, kompania ”Dorna” tashmë ka përgatitur një kalendar ku shtatë nga 12 garat të mbahen në Spanjë .
Marrëveshja midis Këshillit Bashkiak, qeverisë andaluziane dhe ”Dorna” për të filluar në Jerez me Grand Prix Spanjoll në 19 korrik tani është zyrtare.
Sigurisht, gjithçka do t’i nënshtrohet miratimit nga Ministria e Shëndetësisë, por nëse nuk ka një përhapje të rrezikshme të infeksionit Coronavirus, ”Dorna” do të marrë masa ekstreme të sigurisë, me një karantinë parandaluese 14-ditore për të gjithë pjesëmarrësit në MotoGP.
Do të ketë rreth 1 300 pjesëmarrës, të cilët do të testohen para mbërritjes dhe më pas./ /os/ a.jor.
